給為人父母者的忠告

我都叻咗！

        我都係誤打誤撞，無啦啦跌咗入部落格的洞內，玩玩吓好開心。經常都聽見人講：我個仔好鬼煩，整日沉迷電腦 ( 錯！應該叫“打game”)，連老侸姓乜都唔記得！我就用自己的心得，寫下一段忠告(讀谷音) ，包你睇完冇晒谷氣。連我的寫作水平都叻咗(一笑) ！

 

《忠告》(純屬個人意見，唔敢坐到正)

各位太太、Gentlemen (唔好意思，中文真係唔識點稱呼。)：

        現在的年青人，大把日子。又好奇、又有幻想。有閒上 Blog 啦！你有乜開心與乜唔開心的東西，通通寫下來！好似氣球咁放咗上天空。個天即時會響起：“……喂 ~ ……，我好煩呀 ~ ……！”唔使等靈異出現，無耐就有回音。友人分享了你的快樂與憂愁，會送上祝福及鼓勵！

        在Blog 的天空，老、中、青、都有，多種多樣的人生閱歷你都可以作比較。天空任鳥飛，不要浪費時間去做人間試驗，人變得成熟了，梗有一種適合你！

        寫Blog 會上癮，我自己就係囖！現時的年青人很幸福，乜嘢新科技都可一試。我做細路嗰陣，老侸眼尾掘一掘，即刻噤若寒蟬，冇得搏嘴。

        寫Blog 都有遊戲規則，冇得亂嚟！如果邊條友仔做“掘尾龍”搞風搞雨，搞壞個天。成個天的Blog 友一定會炳到佢七彩，合力叮埋佢出局！

        唔使用1 : 99 漂白水，細菌都唔會惡得去邊！阿門！

 

註： 此段公告的閱讀者，並無年齡限制！如果你能把你的孩子從打Game引導到寫Blog，則你就勝利了。