一於炒 ! 炒 ! 炒 !

                                                         銀紙經

        7月9日香港發行塑膠10圓鈔票，引來不少人到銀行門口等開門。記者係有新聞觸角，即時訪問排隊之人有何感想？千辛萬苦排隊究竟為乜？答案雖然唔係新鮮，因為可以上鏡，大家都講出了心裡話。

        1    旦凡新鮮的東西我都唔執輸，希望第一時間看到。

        2    用來收藏，慢慢欣賞。

        3    今次係唐糖任財政司長最後一次在銀紙上的簽名，好有價值。有得炒！！！

        ……………

        老記認為後邊的錄音無新意，刪掉了。

        答問好直接。它的確代表了一部分香港人的心態：乜都可以炒！炒乜都會有錢赚！隨後發言人宣佈：一些幸運號碼已經抽起，日後作為慈善拍賣用途。當時那位哥哥一定即時軟晒，唔知要唔要Call 白車。

        第二天路過旺角匯豐銀行，入內看看兌換塑膠10圓鈔票情況如何。看見了兌換塑膠10圓鈔票在此掛隊的 Board-stand，長長的“蛇餅”。我問在場的一位工作人員，用提款卡兌換可以嗎？他用了指定的語言答我：“可以，站到用銀行簿這條長龍。用現金兌換另一條，不用排隊。”我即時到樓下拑機再返回來，兩分鐘搞掂。一千圓一扎，皆大歡喜不用數數( 這有賴香港人的誠信 )。

        回家一看，鈔票的流水號碼殘缺到你唔信。十張八張又斷碼；三幾張又斷碼。那有哪麼多的幸運號碼？一想，一大版的鈔票二、三十小張，凡有涉幸運號碼者皆被抽起，有殺錯冇放過者也，才有搞到咁傷！唉，香港人呀香港人！唔怪之印製一張塑膠10圓鈔票要五毫六啦，人工好貴架，還是在瑞士印刷添架。邊得咁多幸運號碼丫？有個幸運號碼就可以發達唔使做咩？

        有句至理名言：銀紙攞嚟使(用) ，唔係攞嚟睇(欣賞) ！全世界都識，越放越貶值。

        一張100圓鈔票50年後值多少，十分一有冇？我唔知。但肯定會縮水！香港的10圓紙幣為什麼會保留到今天，好似叮叮電車咁夠懷舊？最初出10圓紙幣時，買一張報紙都係一、兩毫。因為香港人死都要面，每年都要封“例事”(紅包) ，成了例行公事。每年年尾，兌換最低面額的紙幣的人龍之巨，是香港的一大奇景。

        “例事”封了口，裡面是多少一時不曉得。又不好意思在人前開封，唯有一聲“多謝” 。用銀仔一睇就知道係“硬嘢”啦，好冇面！過後人地講乜，一於當聽唔到。最好望佢撈亂晒啲“例事”，分唔出係張三還是李四。

        回歸前10圓已變成了輔幣(大銀) ，從成本效益考慮，各銀行都不肯發行新版的10圓紙幣，理由大概也是冇數圍。特區政府唯有順應民意、頂硬上，在2002年發行了10圓花蟹。睇多陣都頭暈。

        年尾又快到，新10圓塑膠鈔票趕出來亦是時候了。為什麼是發行塑膠10圓鈔票而不是換個簽名繼續發行10圓紙鈔票呢？真是一次官員的自我測驗！