香港錢途

南柯一夢

 

        今年是庚寅虎年，香港的運程如何？每年的新年伊始，風水佬﹙呵呵，應該叫堪輿學家！﹚都各顯神通。通勝滿街都是、究竟哪一本准，年年都困擾著香港人。當奴叔叔也是凡人一個，當然也就不能幸免。只不過多年前在頭頂上多生了兩隻角，人家就刮目相看。能者多勞，不時還得苦思冥想。一日昏昏睡著遇上我佛如來，當奴識趣、何不求枝好纖。

―    如來我佛，弟子特來詢問香港錢途、敬請明示。

―    善哉善哉，你還未入教化。為何不問赤松黃大仙而捨近求遠？

―    是，是，人雖說黃大仙有求必應，唯本地薑唔辣；洋神仙又叫我問心個句。My God ! 錯錯，我講中文……。今年香港股市、樓市高開了很多，庫房有些盈餘，亦算是我的政蹟了。……

―    全部都是熱錢湧來湧去所致。一經流走又如何呢？有冇諗過？﹙嘩，如來佛都識經濟！﹚

―    係，係……

―    香港是什麼中心啊？美國一CHANGE你又受驚；北面吹風你又擺擺，這算什麼啊？你可聽過“崑崙山上一顆草”？你去問問沙陳簡，乜嘢叫食力…………

―    係，係……老簡麻，我都識佢。每季馬季伊始，我都有去打銅鑼。

―    收益越來越少啦，亂彈琴……

―    係，係。唔係，唔係…………

―    你口口聲聲“福為民開”，人民安居樂業了嗎？給條件、給環境香港人創業了嗎？

―    過完年港珠澳大橋就開工，高速鐵路又快上馬……

―    心中有計﹙劃﹚就得？香港的技術員呢，香港的工人呢，香港的工業配套呢？……

―    係，係……

―    得個講字。回去閉門思過，想好再來找我！

―    係，係……如來英明！

如來順手一推，當奴立刻跌下雲頭。

哎唷一聲，醒來若有所思……