得啖笑

斗木佬話  刨正就冇木

 

兩個“讀壞書”老友，在一起談論唐詩。

甲：“唐詩有時都幾婆媽架，好似嗰首清明時節雨紛紛咁。”

乙：“係咩？”

甲：“清明時節雨紛紛  路上行人欲斷雲  借問酒家何處有  牧童遙指杏花村”

乙：“咁又點？”

甲：“清明梗係時節啦，多鬼餘！人梗行在路上架，唔通行喺海上咩？問路使唔使借問得咁文縐縐呀？使乜一定要問牧童先，問第個就吾得？”

乙：“咁都得？”

甲：“清明雨紛紛  行人欲斷雲  酒家何處有  遙指杏花村。係唔係好簡潔呢！”

乙：“咁鬼 Cool，冇哂人情味。黑白電腦都有256個階梯啦，傻佬！如果世界只得兩種顏色非黑即白，係唔係會好恐怖呀？”

甲：“咁又係播，哈哈哈……”

乙：“哈哈哈……”

 

 

※  世界係要有色彩繽紛嘅，人生都係要咁啦！

在2008年，祝各位Blog友新年快樂、萬事如意！